«Тексеру қорытындысы бойынша кәсіпорынның шегерімдерінен жеке тұлғалар мен контрагенттер бойынша төленген 1,8 млрд теңгенің үстіне 367,6 млн шығыс қайта есептелді. Бұл бұрын азайтылған салық есебінен алынды. Сондай-ақ, «Рыбпром» ЖШС-нің салық төлеуден жалтарғаны туралы сотқа дейінгі тергеу басталды. Кәсіпорын басшылығының тексеру қорытындыларын даулау әрекеті сәтсіз аяқталып, облыстың экономикалық соты ол шағымды орындаудан бас тартты», — деп жазды Алматы облысы прокуратурасының баспасөз қызметі.
Прокуратаның дерегі бойынша, экономикалық тергеу департаменті кәсіпорынның өмірде жоқ контрагент-кәсіпкерлермен «сауда жасағанын» дәлелдеді. Нақтырақ айтсақ, әлгі контрагент-кәсіпкерлердің меншігінде негізгі сома да, жұмыс күші де, материалдық-техникалық база жоқ екені анықталған. Ал шот-фактураларға бөгде тұлғалар қол қойып отырған.
Сондай-ақ, Жоғарғы сот кәсіпорын директорын ақтау туралы үкімнің күшін Бас прокуратураның қарсылығы негізінде жойған. Осылайша Алматы облыстық сотының сот алқасының 2022 жылдың 29 желтоқсанындағы үкімімен кәсіпорын директоры ҚР Қылмыстық кодексінің 245-бабының 3-бөлігі бойынша кінәлі деп танылып, 3 жыл 4 ай мерзімге мемлекеттік мекемелер мен коммерциялық ұйымдарда басшылық және материалға жауапты қызметтерде жұмыс істеу құқығынан айырылды.
Ал жергілікті мемлекеттік кірістер басқармасы сот үкімін негізге ала отырып, салықтан жалтарды делінген 367,6 млн теңге мен оның өсімпұлын мемлекетке қайтару шараларын бастады.
