Ведомство мәліметінше, бүгін түнде Еңбекшіқазақ және Іле аудандарындағы жабық жол учаскелерінде ТЖМ құтқарушылары қар құрсауында қалған азаматтарды эвакуациялау бойынша авариялық-құтқару жұмыстарын жүргізген.
Еңбекшіқазақ ауданында, Космос — Базаркелді, Қырбалтабай — Ақжал және Бөлек — БАК автожолдары бағыттарында 45 адам, сондай-ақ 20 жеңіл көлік пен бір жүк көлігі эвакуацияланды.
Іле ауданында Қонаев — Құрты тас жолында қарға батып қалған 43 адам, оның ішінде бір бала және 20 жеңіл автокөлік құтқарылды. Барлық азаматтар қауіпсіз жерге жеткізілді.
Сонымен қатар құтқарушылар Қырбалтабай және Қайнар ауылдарының арасындағы жол жиегіне шығып кеткен жеңіл көлік жүргізушісіне көмек көрсеткен. Қар құрсауында қалған ер адам жедел жәрдем бригадасына тапсырылды.
