Оқиға 18 маусым күні кешкі уақытта тіркелген. ТЖД мәліметінше, полигон жергілікті атқарушы органдардың қарамағында және оның жалпы аумағы 10 гектарды құрайды. Қалдықтардың тереңдігі 3-тен 7 метрге дейін жетеді.
«Алдын ала болжам бойынша, өрт 1 гектар аумақты қамтыған. Сөндіру жұмыстары су шашу және қалдықтарды қоршау әдістері арқылы жүргізіліп жатыр», – делінген ресми хабарламада.
Қазіргі уақытта өртті сөндіруге 25 маман мен 12 арнайы техника жұмылдырылған. Тілсіз жаудың таралуына жол бермеу үшін қосымша шаралар қабылданып жатыр.
Мамандар өрттің шығу себебін анықтау мақсатында тексеру жұмыстарын жүргізуде. Экологиялық және санитарлық қауіпсіздікке келтірілуі мүмкін зиян көлемі де алдағы уақытта нақтыланбақ.
