Төтенше жағдайлар қызметінің мәліметінше, бүгін Республикалық жедел-құтқару жасағының жедел тобы Қаскелең шатқалы аумағындағы «Таң» демалыс аймағында туристке көмекке келген.
112 нөміріне 40 жастағы туристтен аяғын сындырып алғаны және құтқарушылардың көмегі қажет екені туралы хабарлама түскен. Берілген координаттар арқылы зардап шеккен адамның орналасқан жері қысқа уақытта анықталған.
Оқиға орнына жеткен құтқарушылар дереу авариялық-құтқару жұмыстарын бастап, туристі эвакуациялаған. Зардап шеккен азамат жедел медициналық жәрдем бригадасына тапсырылды.
Мамандардың мәліметінше, туристің жағдайы тұрақты.
