Мамандардың айтуынша, осы уақытқа дейін елдімекендерден тыс жерде құрғақ шөп жанған. ТЖД мамандары 193 рет қызыл жалын шарпу фактісін тіркеген.
Жаз уақытында табиғи өрттің пайда болу қаупін азайту мақсатында азаматтық күштер қатарынан рейдтік іс-шаралар өткізу үшін қорғаныс, жергілікті полиция қызметі, орман мекемелері және жергілікті атқарушы органнан 61 адамнан тұратын 30 мобильді топ құрылды.
«Мобильді топтар 164 бірлескен рейд жүргізді, іс-шаралардың натижесінде 47 жеке тұлғалар әкімшілік жауапкершілікке тартылып, 4 млн 200 мың теңге көлемінде айыппұл салынды», — деді спикер.
Департамент қызметкерлері өрттің алдын алу үшін қарапайым ережелерді сақтау қажеттігін ескертеді.
«Тұрғын үйге іргелес аумақтырды, бау-бақша учаскелерін құрғақ шөптер мен қоқыстардан алдын ала тазалап, орман алқаптарының жанында қоқыс үйінділерін тастамаңыздар. Сонымен қатар, саяжайларда және орман алқаптарында қоқыс өртеуге болмайды», — деп ескертті Александр Рау.
