Полиция мәліметінше, Кеген ауданындағы автожолдың 4-шақырымында Toyota Sequoia жүргізушісі көлікті басқара алмай, жол шетінен шығып кетіп, көлік аударылған. Салонда шетелдік туристер – Филиппин азаматтары болған.
Апат салдарынан бір жолаушы оқиға орнында қаза тапқан. Тағы бес адам түрлі деңгейдегі жарақаттармен ауруханаға жеткізілді.
«Бір науқастың жағдайы ауыр, қалған төртеуі тұрақты жағдайда. Барлығы Алматы облыстық көпбейінді ауруханаға ауыстырылды», – делінген Кеген аудандық ауруханасы таратқан хабарламада.
Қазіргі уақытта полиция оқиғаның нақты мән-жайын анықтап жатыр.
