Оқиға орнында түсірілген видео әлеуметтік желіде тарады.
Жазба авторының сөзінше, тұрғындар жарыққа қатысты қордаланған мәселелерді шешу үшін жолды жауып тастамақ.
«Электр энергиясының жоқтығынан су, электр жарығына қосылған газ пеші жұмыс істемейді. Үйде суық», — делінген хабарламада.
Алматы облысы Қарасай ауданының әкімдігі 15 қазан күні сағат 22:30-да Іргелі ауылдық округіне қарасты Кемертоған ауылының тұрғындары электр қуатының өшуіне байланысты Алматы-Бішкек тас жолының 24 шақырымында (Кемертоған ауылына бұрылу) жолды жауып тастамақ болғанын хабарлады.
Аудан әкімі Абылай Ысқақов жиналғандармен кездесті.
«Нәтижесінде күре жол жабылған жоқ. Оқиға орнында алынған ақпарат негізінде электр желісінде қысқа тұйықталу болғаны анықталды. 2343 трансформаторлық қосалқы стансасын тексеру кезінде жоғары вольтты жерасты кабелінің жанып кеткені белгілі болды. Қазір апаттық бригада оқиға орнында қалпына келтіру жұмыстарын жүргізуде», — деп жауап берді аудан әкімдігінің баспасөз қызметі.
Посмотреть эту публикацию в Instagram
