2025 жылғы 22 желтоқсан күні таңғы сағат 6:30-дан бастап өңірде қою тұман түсіп, көріну деңгейінің төмендеуіне байланысты барлық көлік түрлері үшін мына бағыттарда жол жабылды:
-
Алматы – Талдықорған – Өскемен – Шемонаиха – Ресей Федерациясының шекарасы автожолының 25–67 шақырым аралығы, яғни ақылы жол пунктінен Қонаев қаласына дейінгі бөлігі;
-
Алматы – Шелек – Қорғас автожолының 24–136 шақырым аралығы, ақылы жол пунктінен Шелек ауылына дейін.
Жауапты қызметтердің мәліметінше, жолдарды қайта ашудың алдын ала жоспарланған уақыты – 2025 жылғы 22 желтоқсан, сағат 11:00.
Жүргізушілерге алыс жолға шықпас бұрын ауа райы мен жол жағдайын ескеріп, сақтық шараларын қатаң сақтау ұсынылады.
