11 желтоқсанға қараған түнде және таңертең Алматы облысының оңтүстігінде тұман түседі. Облыстың солтүстігі, оңтүстігі және таулы аймақтарында көктайғақ күтіледі. Шығыс және оңтүстік-шығыстан соғатын желдің екпіні солтүстік, оңтүстік және тау бөктерлерінде 15–20 м/с, кей жерлерде 24–29 м/с дейін күшейеді.
Түнде облыстың солтүстігі мен таулы аймақтарында күшті аяз болжанады — ауа температурасы –25 градусқа дейін төмендейді. Қонаев қаласында да жолдарда көктайғақ болады. Жел екпіні 15–20 м/с, кей сәттерде 25 м/с-қа жетеді.
Алдағы күндердегі ауа райы
11 желтоқсан
Өңірде жауын-шашынсыз ауа райы сақталады.
Түнде –15…–17°, күндіз 0° шамасында.
12 желтоқсаннан бастап
Ауа райы жылынады.
Күндіз +4…+6°, түнде –1…+1°.
13–14 желтоқсан
Жылы ауа райы жалғасады:
Күндіз +4…+6°.
Синоптиктер тұрғындарға жолда сақ болуды және қолайсыз ауа райына байланысты қауіпсіздік шараларын мұқият сақтауды ескертеді.
