Бұл дерек халыққа қызмет көрсететін екі орталыққа жүргізілген тексеріс кезінде анықталды.
19 көлік Қонаев қаласындағы мамандандырылған орталықта жалған құжатпен тіркеліп, мемлекеттік нөмір берілген. Және 11 темір тұлпар Еңбекшіқазақ ауданында жалған төлем түбіртектерімен тіркеліпті. Бюджетке 100 млн теңге түспей қалған.
«Қазіргі уақытта іс Алматы облыстық полиция департаментіне жолданды. Ішкі тексеру де жүріп жатыр. Қабылданған процесуалдық шешімге сәйкес заңды бұзған қызметкерлерге тәртіптік шара қолданылады», − деді «Азаматтарға арналған үкімет» МК КЕАҚ Алматы облыстық филиалының жетекші сарапшысы Жарқын Өтегенов.
Айта кету керек, өңірде 465 мыңнан астам көлік жеке тұлғалардың атына рәсімделген.
