« «Учаске» профилактикалық іс-шарасы барысында 1995 жылғы Д. және К. есімді азаматшалар ұсталды. Жеке тінту кезінде 17 орам есірткі тәркіленді. Күдіктілердің айтуынша, олардың құрамында «мефедрон» ұнтақты есірткі заты бар», — деп жазды ПД бастығы.
Күдіктілер таңғы 07.00-де Алматы қаласында тығылған 20 орамды алып, есірткіні өткізу үшін Қаскелең қаласына келген.
«Тергеу барысында бұрын жасырылған жерлерден есірткі заттары табылып, тәркіленді. Аталған дерек ҚР ҚК 297 — бабы бойынша аудандық полицияда тіркелді. Қазіргі уақытта қажетті сараптамаларды тағайындалды, тергеу шаралары жүргізілуде. Ұсталғандар заңнамада белгіленген тәртіппен УҰИ-ға қамаққа алынды», — делінген хабарламада.
