Тараптар экономика, ауыл шаруашылығы, энергетика, білім беру, денсаулық сақтау, төтенше жағдайлардың алдын алу және достық қатынастарды нығайту бағыттарын қамтитын жеті меморандумға қол қойды. Құжаттар бес жылға жасалып, ұзарту мүмкіндігі қарастырылған.
Қазіргі таңда облыста қытайлық капиталдың қатысуымен 143 кәсіпорын жұмыс істеп тұр. Екіжақты тауар айналымының көлемі жылына 1 миллиард АҚШ долларынан асып отыр.
Кездесу барысында Алматы облысының әкімі Марат Сұлтанғазиев пен Цинхай провинциясы КПК комитетінің бірінші хатшысы У Сяоцзюнь стратегиялық серіктестікті кеңейтуге уағдаласты. Әсіресе ауыл шаруашылығы, жасыл энергетика, медицина, трансшекаралық сауда және білім беру саласында бірлескен жобаларды жүзеге асыруға ерекше көңіл бөлінді.
Осыған дейін Алматы облысының 37 жас тұрғыны Синьцзян университетінде толық грант негізінде білім алған болатын. Жаңа келісімдер студенттер алмасуын жалғастыруға мүмкіндік береді.
ҚХР-дың Алматыдағы Бас консулы Цзян Вэй Қазақстан мен Қытайды достық пен өзара сенімге негізделген ынтымақтастық рухы байланыстыратынын атап өтті.
«Бір белдеу – бір жол» бастамасы аясындағы бұл әріптестік Алматы облысының экономикалық әлеуетін арттырып қана қоймай, білім және мәдени байланыстарды да күшейтпек, – делінген кездесуде.
