«Қазгидромет» РМК синоптиктері 5-7 қараша аралығындағы ауа райы болжамын ұсынды, деп хабарлайды alataunews.kz.
Ел аумағының көп бөлігінде ауа райы тұрақсыз болады, барикалық алқаптардың жылдам ауысуымен байланысты жаңбыр мен қар жауып, көктайғақ, жаяу бұрқасын, тұман және екпінді жел күтіледі.
5 қарашада батыс өңірлерде, 6 қарашада солтүстік аймақтарда, ал 6-7 қарашада шығыс, оңтүстік және оңтүстік-шығыста жауын-шашын болады деп болжануда. Тек 5 қарашада солтүстік пен солтүстік-батыста ауа райы жауын-шашынсыз болады.
Шығыс, оңтүстік және оңтүстік-шығыс аймақтарда кезеңнің соңына қарай ауа температурасы түнде -3°C-тан +5°C-қа дейін, таулы аймақтарда -8°C-қа дейін төмендеп, күндіз 0°C-тан +7°C-қа, таулы аймақтарда -2°C-қа дейін төмендейді.
