Ақорданың ресми мәліметіне сәйкес, тиісті шешім Мемлекет басшысының өкімімен қабылданған.
«Мемлекет басшысының өкімімен Айбек Серікбайұлы Смадияров Қазақстан Республикасы Президенті Әкімшілігінің Ішкі саясат бөлімінің меңгерушісі лауазымына тағайындалды», – делінген хабарламада.
Айта кетейік, Президент Әкімшілігінің Ішкі саясат бөлімі елдегі қоғамдық-саяси процестерді үйлестірумен, мемлекеттік саясаттың басым бағыттарын іске асырумен және ішкі тұрақтылықты қамтамасыз етуге бағытталған жұмыстармен айналысады.
