Наурыз мерекесінің жаңа тұжырымдамасы аясындағы «Шаңырақ» күні жалпыұлттық отбасылық құндылықтар мен кіршіксіз махаббат күні деуге болады. Себебі, шаңырақ – отбасы белгісі, сондықтан да қазақ халқы жас жұбайлардың отау құрып, шаңырақ көтеруіне ерекше мән берген. Шаңырақ – ұрпақтан-ұрпаққа жалғасып келе жатқан материалдық және рухани мұра. Ол отбасының тұрақтылығы мен ұрпақтың үздіксіз жалғасуының символы.
Әр шаңырақта бақыт пен қуаныш, сүйіспеншілік пен өзара құрмет орнасын. Отбасыңыз аман, көңілдеріңіз шат болсын!
