Білім күніне орай биыл ата-аналардың гүлге шығындалуына тура келетін сияқты. Әдеттегідей мереке қарсаңында сатушылар бағаны қымбаттады. Тасымалдаушы кәсіпкерлердің айтуынша, биылғы жылы олар бағаны 30%-ға көтерген.
«Девальвация болды. Соған байланысты гүл бағасы 20-30 пайызға өсті. Мысалы, бұрын біз ұзындығы бір метрлік раушан гүлін 800 теңгеден сататын болсақ, қазір 1000-1200 теңге тұрады», — деді гүл дүкені директорының орынбасары Маржан Қабдолданова.
Бірақ ол бұл оқу жылының басталуымен байланысты емес, Халықаралық әйелдер күні қарсаңындағы баға әлі өзгерген жоқ дейді. Дегенмен гүл салондарындағы баға — тұрақсыз. Өйткені бізде бұл нарық импортқа 70% тәуелді. Көбінесе Эквадор, Нидерланды, Колумбия сияқты елдерден жеткізіледі. Гүлдердің аз бөлігі Қытай мен Өзбекстаннан келеді.
Қаскелеңде гүл өсіретін 20 сотық жері бар Әбілқайыр Қалдар тұқым мен түйнекті шетелден әкеледі. Сондықтан өз өнімдерінің құнын көтеруге мәжбүр. Егер ол үш жыл бұрын қызғалдақты 180 теңгеден сатса, қазір оның бағасы 300 теңге.
«Қызғалдақ баданаларын Голландиядан, ал Петуния тұқымдарын Америкадан әкелеміз. Онда кеденнен өту, салықтар, БАЖ салығы және тұқым құны шамамен 110-120 теңге болады. Біз оны өзіміз өсіріп, 230, 250-300 теңгеден сатамыз», — деді кәсіпкер Әбілқайыр Қалдар.
Мереке күндері гүлге сұраныс үлкен екені айтпаса да түсінікті. Сұраныс болса баға да жоғары. Сарапшылардың пікірінше, 1 қыркүйек қарсаңында баға 20% ғана өседі.
