Бүгін аудан әкімі Жасұлан Естенов өзінің орынбасары ретінде Рустам Атчабаровты тағайындады. Оның қызметтік жолына сәттілік тілеп, алда атқаратын жұмысына сенім білдірді.
Атчабаров Рустам Әмірғалиұлы – 1978 жылы туған, Алматы облысы Қарасай ауданы Көксай ауылының тумасы. 2004 жылы Алматы қаласында Экономика және құқық академиясын «құқықтану» мамандығы бойынша бітірген.
Еңбек жолы:
- 2005 жылдың наурызында Іргелі ауылдық округі әкімі аппаратының бас маманы;
- 2006-2009 жылдары Қарасай ауданы әкімі аппаратының жетекші маманы;
- 2009-2011 жылдары Жамбыл ауданы әкімі аппаратының, Қарасай ауданы әкімі аппаратының жетекшісі;
- 2011-2012 жылдары ҚР Парламенті Сенаты депутатының көмекшісі;
- 2012-2016 жылдары ҚР Парламенті Сенатының аппараты халықаралық қатынастар, қорғаныс және қауіпсіздік комитетімен өзара байланыс жасау бөлімінің көмекшісі;
- 2016 жылдың сәуір айынан осы уақытқа дейін Алматы облысы әкімінің аппараты құжаттамамен қамтамасыз ету және бақылау бөлімінің бас маманы — облыс әкімі орынбасарының көмекшісі лауазымында еңбек етті.
