«Мемлекет басшысы бастаған дәстүр бойынша биыл да ұлттық мейрамда Мемлекеттік туды көтеру рәсімі ұйымдастырылып отыр. Бұл айрықша оқиғаларға орай өтетін салтанатты шара. Халқымыз үшін азаттықтан ардақты, байрақтан биік құндылық жоқ. Көк туымызды биікте желбірету – бұл біздің қасиетті парызымыз, азаматтық борышымыз», — деді Марат Сұлтанғазиев.
Ол ұлық мереке бірлігімізді нығайтып, биіктерге бастай беруін тіледі.
«Мереке әр шаңыраққа қуаныш пен шаттық, мол бақыт әкелсін! Мызғымас мемлекеттігіміздің белгісі – егемен еліміздің көк байрағы көкте желбірей берсін! Өңіріміз өркендеп, еліміз гүлдене берсін!» — деді өңір басшысы.
Салтанатты шара концерттік бағдарламаға ұласты.
