Қарағанды облысының Топар кентінде карантин жарияланды. Елдемекенде сібір жарасы анықталды.
Бүгін таңертең Топар кентінің әкімдігі жергілікті тұрғындарға елдімекенде карантин жарияланғанын хабарлады.
Билік өкілдерінің мәлімдеуінше, ауылда сібір жарасы анықталған. Сол себепті кентке Абай қаласынан кіреберістегі көліктерді санитарлық өңдеуге арналған бағана орнатылған.
«Мал мен сүт өнімдерін әкелуге және әкетуге, мал союға және аумақтан жемшөп пен жемшөп қоспаларын әкетуге тыйым салынады. Аулалардың бірінде сібір жарасының анықталғандығына байланысты осы шаралар жүзеге асырылуда. Барлық қажетті ветеринариялық және санитариялық — эпидемиологиялық іс-шаралар жүргізіледі. Жағдай уәкілетті қызметтердің бақылауында», — деп мәлімдеді Топар кентінің әкімдігі.
Жергілікті билік халықтан дүрбелең тудырмауын өтініп, қандай да бір сұрақтар туындаса хабарласуды сұрады.
