Алматы облысында қызған бу үтікті пайдалану арқылы азаптау ісі бойынша 25 адам жәбірленуші болып танылды, деп хабарлады ОКҚ брифингінде Бас прокуратураның қылмыстық қудалау қызметінің бастығы Серік Шалабаев.
«Барлық өтініш берушілер азаптауды қолданудың ұқсас тәсілін сипаттады. Жедел-тергеу әрекеттерінің нәтижесінде арнайы прокурорлар 5 полиция қызметкерінің қатыстылығын анықтады. Үш полицей кінәсін мойындады», — деді Шалабаев.
Алматы облысы Ұлттық қауіпсіздік комитеті департаментінің екі қызметкеріне қатысты тергеу амалдары аяқталды. Олар ұсталған адамды ұрып-соғып, оның өліміне себеп болды деп күдіктелуде, деді прокурор.
Қадағалау органы хабарлағандай, азаптаулар бойынша қылмыстық істер тергеудің ерекшелігімен сипатталады.
«Жәбірленушілердің көпшілігі қатысы бар адамдарды анықтай алмайды, өйткені соңғысы бетперде киген немесе киім — кешексіз», — деді прокурор.
Бұл ретте іс бойынша бейнематериалдар жоқ, өйткені полиция ғимараттарына жасалған шабуыл нәтижесінде жабдық бүлінген.
«Осыған қарамастан, дәлелдемелерді жинау бойынша тергеу және іс жүргізу әрекеттерінің барлық кешенін жүргізу қамтамасыз етіледі. Барлық істер бойынша тергеушілер адам құқықтарын қорғау жөніндегі халықаралық стандарттарға сәйкес азаптауларды тергеу әдістемелерін пайдаланады», — деп сендірді спикер.
