Құтқарушылардың күшімен ғимараттың бірінші қабатынан 4 адам құтқарылған. Зардап шеккендердің жағдайы анықталып жатыр.
«Алдын ала ақпарат бойынша өрттің ауданы – шамамен 1500 шаршы метр. Ғимаратта сауда бутиктері, киім-кешек, ойыншықтар, екінші қабатта мата мен перде сату бөлімдері орналасқан», — деп хабарлады облыстық ТЖД баспасөз қызметі.
Өртке қарсы Жамбыл облысы ТЖД-ның 50-ден аса өрт сөндірушісі мен 16 техника жұмылдырылды.
