Жуалы ауданында, Шақпақ асуында Алматы-Термез-Ташкент республикалық тас жолының (574-587 км) учаскесі жабылды. ТЖД-ның 10 қызметкерінің күшімен кептеліп қалған жеңіл автокөліктерден 110 адам құтқарылды, оның 37-сі бала, оларды М. Жұмабаев атындағы №29 орта мектептің жылыту пунктіне жеткізді. Психологиялық көмек көрсетілді. Зардап шеккен адамдар жоқ.
Полицияның хабарлауынша, Жамбыл облысында 3 қаңтарда желдің екпіні 50 м/с дейін қатты боран болған. Облыстық маңызы бар Б. Момышұлы-Көлтоған-Қошқарата-Қызтоған (27-76 км), Күйік-Қарабастау-Қаратау-Жаңатас-Саудакент (107-149 км) автожолдар учаскелерінде, Тараз-Шымкент учаскесіндегі Республикалық маңызы бар трассада (534-593 км) көліктің барлық түрлері үшін қозғалыс жабылды.
