Департамент мәліметінше, жол апаты 4-тамыздан 5-тамызға қараған түні Назарбаев даңғылында болған. Мотоцикл тізгіндеген жігіт 58 жастағы жаяу жүргіншіні қағып кеткен.
Honda CBR 600FA маркалы мотоциклді 32 жастағы ер адам тізгіндеген. Ол жолаушының рұқсат етілмеген жерден өткенін мәлімдеді.
«Түрлі дене жарақатын алған жәбірленуші ауруханаға жеткізілді. Дәрігерлер барын салғанымен, ер адамды аман алып қалу мүмкін болмады», — делінген хабарламада.
Қазіргі кезде сотқа дейінгі тергеу амалдары басталды. Қажетті сараптамалар тағайындалды.
