Қала тұрғындары аталған жағдайға ашуланып, Instagram-дағы парақшаларында жаппай жазба жариялады.
Қала әкімі Мейрам Қожықов су басқан жерлерді тазалау бойынша қала тұрғындарына есеп беріп, салдарын жою бойынша жұмыстар жүргізіліп жатқанын көрсетті.
«Әкімдік суағарларды ашумен айналысып жатыр». Қала әкімі Instagram-дағы жеке парақшасында сағат 17:00-де осындай жазбамен видео жариялады.
17:30-да жарияланған екінші видеода суды соруға арналған арнайы техниканың жоғын, жұмысшылардың тек бітелген суағар кәріздерін ашып жүргенін байқауға болады.
Әкім үшінші видеосын сағат 18:00-де жариялады. Үш видеода да әкім суағарлардың қақпағын ашқанын ғана көрсетеді.
«Барлық учаскеде су азайды. Жаңбыр суын жинаушы желі толық көлемде жұмыс істеп тұр», — деп жазды әкім соңғы жазбасында.
