«Сағат 11:13-те «Бурабай» МҰТП аумағындағы Көкшетау тауындағы өрт ауыздықталды. Өрттің алдын ала аумағы — 0,03 га (300 ш.м.) Өртті сөндіруге Ақмола облысы ТЖД жеке құрамының 200-ден астам және «Бурабай» МҰТП-ның 70 қызметкері жұмылдырылды. «Қазавиақұтқару» АҚ тікұшағымен 12 рет су ағызылды (36 тонна). Өрттің таралу қаупі және зардап шеккендер жоқ», — делінген ведомство ақпаратында.
Еске салсақ, бүгін таңертең Көкшетаудың 800 метр биіктігінде өрт тұтанып, оны сөндіруге тікұшақ шығарылғаны хабарланған.
