Әлеуметтік желідегі жазбаларға қарағанда, бұған дейін де қысқа жиналған мал азығын әлдекімдер өртеп кеткен.
«Біздің мұңымызды мал бағатын адамдар ғана түсінеді. Бұған дейін жинаған шөпті қасақана біреулер өртеп кетті. От жаққандардың көлік нөмірін суретке түсіріп, полицейлерге жолдағанымызбен, еш шара қолданылмады. Бүгін тағы 500 орама шөп өртенді. Ал қақаған қыс қылышын сүйретіп келуіне аз уақыт қалды», — деп жазылған Instagram-дағы парақшаның бірінде.
Бұл жазбада тұрғындар облыстық прокуратураның аталған іске араласып, кінәлілерді жазалауын сұрайды.
«24.09.2022 ж. сағат 21:52-де Алматы облысы ТЖД кезекші бөлімінің пультіне Іле ауданында, Алматы-Жетіген тас жолының 32 шақырымында, «Ұлжан» шаруашылығында өрт болып жатқаны туралы хабарлама түсті. Бұл шаруашылыққа ТЖД 5 қызметкері мен 1 техника шықты», — дейді облыстық ТЖД баспасөз хатшысы Гүлмира Әбілқасымова.
Оның айтуынша, шөпті жалмаған жалын сағат 23:50-де ауыздықталып, сағат 01:28-де толығымен сөндірілді. Өрттің шығу себебі анықталып жатыр. Қаза болғандар мен зардап шеккендер жоқ.
Посмотреть эту публикацию в Instagram
