«Respublica» сайлауалды туры бірден екі қалада – Семей мен Қарағандыда жалғасты. Осы іс-шараларға барлығы 1500-ден астам адам қатысты. Парламент Мәжілісінің депутаттығына кандидат Қуанышбек Мұқаш Қарағанды тұрғындары алдында сөз сөйледі. Спикер мемлекет пен бизнестің өзара іс-қимылы тақырыбын көтерді.
Семей тұрғындарымен кездесуде партияның тең төрағасы Руслан Берденов сөз сөйледі.
«Қазір ел үшін өмір сүретін уақыт. Біз өзімізге қоятын басты сұрақ — 70 жылдан кейін келесі ұрпаққа не қалдырамыз? Менің таңдауым — халқымыз үшін өмір сүру және халықтың мәселелерін шешу. Бұл — басты мақсат», — деді Руслан Берденов.
Семей тұрғындары өңірдің ең күрделі мәселелерін — Семей полигонындағы ядролық апаттың салдарын, халықтың табысының төмендігін, ескірген инфрақұрылымды және т.б. көтерді.
Бүгінгі таңда «Respublica» партиясының мүшелері еліміздің 17 өңірінде болды.
