Таразда ерекше қажеттіліктері бар балаларды тәрбиелеп отырған көпбалалы аналармен кездесу өтті.
«Бүгінде әйелдер кез келген салада белсенді. Олар жас ұрпақтың қалыптасуында да маңызды рөл атқарады. Сондықтан ана мен балаға лайықты қамқорлық, дамыған әлеуметтік инфрақұрылым, әйелдер құқығын қорғау басты басымдық болуы тиіс», – деп атап өтті партия төрағасы Қошанов.
Штаб мүшелері Қаратау қаласының жұртшылығымен кездесті, оған 200-ден астам адам қатысты. Тұрғындар жұмыспен қамту, коммуналдық инфрақұрылымның тозуы, медицина қызметкерлерінің тапшылығы мәселелерін көтерді.
Сол күні «Қазфосфат» минералды тыңайтқыштар зауытының еңбек ұжымымен кездесу өтті.
Партиялықтар еңбек адамын қолдауға және өндірістердегі қауіпсіздікті арттыруға бағытталған негізгі басымдықтар туралы айтып берді.
