Украина президенті Владимир Зеленский Ресей мен Украина соғысы бастағалы бері 43 мың украиналық сарбаздың қаза тапқанын мәлімдеді, деп хабарлайды alataunews.kz DW-ге сілтеме жасап.
Зеленскийдің айтуынша, жараланған әскерилер саны 370 мыңға жеткен. Олардың шамамен 50%-ы қайтадан сапқа қосылады деп күтілуде.
Сонымен қатар, Зеленский Ресей армиясының шығындары туралы мәліметтерді де жария етті.
«Украина Қарулы Күштері Бас штабының соңғы деректеріне сәйкес, ресейлік әскер шығыны 750 мың адамнан асты. Оның ішінде 198 мың ресейлік қаза тапты, ал 550 мыңнан астамы жарақат алды,» – деді Зеленский.
Сондай-ақ, ол қыркүйек айынан бері Ресей майданда адам шығыны бойынша 5-6 есе көп шығынға ұшырағанын атап өтті. Зеленский Украина мен Ресей армияларының басты айырмашылықтарының бірі ретінде алдыңғы қатардағы медициналық көмектің Украинада әлдеқайда жоғары деңгейде екенін ерекше айтты.
