Мемлекет басшысының тапсырмасына сәйкес, Қонаев қаласында инвестиция тарту бағытындағы жұмыстар жүріп жатыр. Мысалы, былтыр негізгі капиталға 88,7 млрд.теңге инвестиция тартылған. 2022 жылдың сәйкес кезеңімен салыстырғанда 29,7 млрд. теңгеге артығымен орындалды. Нақты көлем индексі 143,7%-ды құрады.
2023-2027 жылға дейінгі жобалар пулына Қонаев қаласынан жалпы инвестиция сомасы 146,4 млрд.тг және 900 жұмыс орнын құрумен 4 жоба кірді оның ішінде:
«Оспанова Девелопмент» ЖШС 2023 жылдың қараша айында жалпы қуаттылығы 10 мың тоннаны құрайтын балық өндірісінің құрылысын аяқтады. Жалпы инвестиция көлемі 67,0 млрд.теңге, 500 тұрақты жұмыс орны құрылатын болады. Қала әкімдігі тарапынан 27 га жер телімі берілді. Кешеннің 1 блогын іске қосу кезінде 12 млрд.тг. инвестиция тартылды, 100 жұмыс орнын ашу жоспарлануда. Қазіргі таңда іске қосу жұмыстары жүргізілуде. Шетелден балық шабақтарын әкелу жұмыстары жалғастырылуда.
Келесі серіктестік 2024-2027 жылдары сомасы 24,4 млрд.тг. құрайтын «Қонаев кірпіш зауытының құрылысы» жобасын іске асыруды жоспарлауда. Тұрақты түрде 150 жұмыс орны құрылмақ.
«KAZIND Medical Group» ЖШС жалпы жобаның алдын ала құны 25,0 млрд.тг. құрайтын Қонаев қаласында Халықаралық медицина университеті мен көпсалалы клиникалық аурухананың және 5 жұлдызды қонақ үйдің құрылысын салу жоспарлауда. Жоба ауыспалы кезеңімен іске асырылады. Инвестициялық жобаның басшылығы аумағы 70 га жер телімін сұрастырды, осыған орай жобаның құрылысына қажетті Қонаев қаласы, Алматы-Өскемен тас жолы, №32 «Б» учаскесі қарастырылған. 150 жұмыс орнын құрайтын болады.
«Konaev Hotel Management» ЖШС жалпы жобаның құны 30 550.0 млн.теңгені құрайтын Қонаев қаласында «Қонақ үй кешенінің» құрылысын салу жоспарлауда. Жоба ауыспалы кезеңімен 2024-2026 жылдары іске асырылады. Жобаның қуаттылығы күніне 500 қонақ пен 250 нөмірі бар және тұрақты 100 жұмыс орнын құру.
Жобалар пулынан бөлек, биыл «Жібек жолы» ЖШС ауқымды зауыт кешенін ашпақ. Мұнда тамшылатып суаруға арналған құбырлар мен құрылғылар, құрама жем мен құрғақ сүт зауыты, шаруашылыққа арналған жабдықтар шығарылады. Зауыт күніне 1000 гектар аумақты қамтитындай өнім өндіреді. Қажетті шикізат көршілес Қытай елінен әкелінеді. Өндірілген өнім алдымен Қазақстанға, кейіннен экспортқа шығарылады. Айта кетерлігі, осы уақытқа дейін елімізде балаларға арналған құрғақ сүт шығаратын бірде-бір зауыт ашылмаған.
Инвесторлар бос қалған зауыт орнын банктен сатып алып, 10 млн. АҚШ доллары көлемінде қаржы құйған. Былтырдан бастап зауытты игеріп, қажетті жабдықтарын әкеле бастаған. Енді тауарды тасымалдау үшін теміржол салынады деп жоспарлануда.
Сонымен бірге, былтыр қаламызда лифт құрастырып шығаратын «IRBIS LIFT COMPANY» ЖШС ашылды. Жобаға 300 млн.теңге инвестиция тартылып, 100 тұрақты жұмыс орны ашылды.
Жалпы, бүгінгі таңда қаламызда шаһарда 217 кәсіпорын жұмыс істеп жатыр. Оның ішінде 17-сі ірі және орта өнеркәсіп орны болып есептеледі. Былтыр қаланың өнеркәсіп өнімінің көлемі 136,6 млрд.теңгені құрады. Индекс көлемі — 97,0% болды.
