21 қазан күні барлық мектепте «Менің арманымдағы Қазақстан» тақырыбында үш тілде эссе жазу байқауы ұйымдастырылды. Әрбір мектепте эссе қорытындысы бойынша үздік деп танылған оқушыларға мадақтама берілді.
Абай атындағы орта мектептің 9-сынып оқушысы Айтқожа Айсұлу 1-орын, Алмалыбақ ауылындағы орта мектеп-гимназиясының 10-сынып оқушысы Сахан Зарина 1-орын, Қарасай батыр атындағы орта мектептің 10-сынып оқушысы Айтказина Сабина 1-орын, Үшқоңыр ауылындағы орта мектеп-гимназиясының 10-сынып оқушысы Абсамат Аяулым 2-орын, Көкөзек ауылындағы орта мектептің 9-сынып оқушысы Әжібек Балауса 2-орын, Пушкин атындағы орта мектептің 9-сынып оқушысы Рустембекқызы Сания 2-орын, М. Әуезов атындағы орта мектептің 10-сынып оқушысы Мимандос Айша 3-орын, Береке ауылындағы орта мектептің 10-сынып оқушысы Мергенова Аяна 3-орын, Көлащы орта мектебінің 9-сынып оқушысы Қылышбаева Айгерім 3-орын иеленді.
21 қазан күні жалпы білім беретін мектептерде қазақ халқы әндері мен ұлттық ойындарын насихаттауға арналған «Ата дәстүр болашаққа қалған асыл мұра» іс-шарасы ұйымдастырылды. Шалқар, К. Әзербаев, Еңбекші ауылдарындағы мектептерде, А. Макаренока, Ы. Алтынсарин атындағы орта мектебінде асық атудан, тоғызқұмалақ, бес тас ойындарынан жарыс ұйымдастырылды.
21 қазан күні «Қыран елім — Қазақстан» жалпыреспубликалық патриоттық акциясы өткізілді. Акция барысында оқушылар арасында мәнерлеп оқу сайысы өткізілді. Байқауға аудан бойынша 1725 оқушы қатысып, мектепішілік алғыс хаттармен марапатталды. Осы акция барысында Кемертоған орта мектебінде, Ұлан, Алмалыбақ, Абай ауылдарындағы мектептерде «Оқуға құштар мектеп» жобасы аясында оқып жатқан кітаптарынан көрме ұйымдастырылды.
