10 бала, 30-ға жуық немере сүйіп өсірген ауданның ең қарт сайлаушысы үйінде дауыс берді.
1918 жылы туған 104 жастағы әжей еліміздің қоғамдық-саяси өміріне белсене араласып келеді.
«Қазір қанша рет сайлауға қатысқаным есімде жоқ. Бұрын дауыс беруге өзім баратынмын, қазір олар үйге келді. Осыған рахмет. Барлығыңызға денсаулық, ұзақ ғұмыр тілеймін», — деді Ызархан апа.
Жалпы Жетісу облысы бойынша 447 сайлау учаскесінде 445 мың сайлаушы дауыс береді. Бүгін, 20 қарашада өңірдегі барлық сайлау учаскелері таңғы сағат 7.00-ден бастап жұмыс істеп жатыр.
Жетісу облысы тұрғындарының сайлауға келуі 52 пайызды құрады.
