Ауыл тұрғындарының айтуынша, екі апта бойы жылу жоқ.
Алматы облысының әкімдігі Жамбыл ауданындағы табиғи газ қысымының не үшін төмендегенін түсіндірді.
Өңір басшысының орынбасары Нұржан Құдайбергеновтің айтуынша, қазіргі уақытта барлық жұмыстар аяқталу сатысында тұр.
«27 қарашада Қасымбек ауылында Қазақстан, Майтөбе, Суық төбе көшелерінде 50 үйде көгілдір отынның төмен қысымы анықталды, Шолаққарғалы ауылында Бейбітшілік көшесінде 8 үйде де осындай жағдай орын алды. Мыңбаев ауылында Көкбастау, Амангелді және Бесбатыр көшелерінде де 142 үйде төмен қысым байқалды. Газ беру проблемаларын жою үшін 3 бригада жұмылдырылды», — деді Нұржан Құдайбергенов.
Оның айтуынша, бүгінгі күні Қасымбек ауылында газбен қамтамасыз ету бойынша барлық жұмыстар толық аяқталды, тарату шкафында редуктор ауыстырылды.
Мыңбаев ауылында дистрибьютор шкафын орнату жұмыстары жүргіп жатыр. Қазіргі уақытта Мыңбаев ауылы мен Шолаққарғалы ауылында «Тәуелсіздік газ» ЖШС-нің 2 бригадасы жұмыс істеп жатыр.
Екі ауылдағы газ қысымы төмен абоненттер саны — 150, 50 абонент үшін газ беру нормаға келтірілген.
«Мәселе ерекше бақылауда. Аудан әкімі Нұрлан Ерсас Мыңбаев ауылында жүр», — деп атап өтті әкім орынбасары.
Сонымен қатар Қарасай ауданы Шамалған ауылында 150-ден астам абонент Таусамалы көшесінде су мұнарасы сорғысының өртенуіне байланысты сумен жабдықтаудан ажыратылды.
Аталған шағын аудан тұрғындары әлеуметтік желілер арқылы қалыптасқан жағдай туралы хабардар етілді.
Қызмет көрсететін компания — «Таусамалы Қызмет» МКК-барлық қажетті жөндеу және дәнекерлеу жұмыстарын жүргізеді.
Сондай-ақ Алматы облысы әкімдігінің хабарлауынша, Қарасай ауданы Ұмтыл ауылдық округінің Жалпақсай ауылында үш кіреберіс пен 33 пәтерден тұратын Т. Сарбасов көшесіндегі №25 көппәтерлі үйдің тұрғындары құбырлардағы судың қатуына байланысты ауыз сусыз қалды.
«Bey Azh Trans» ЖШС қызметкерлері су мұнарасының сорғысы мен сүзгісін ауыстырып, құбырлардың көтергіштерін қыздырды. 30 қарашада №25 көпқабатты үйдің пәтерлерін сумен жабдықтау қалпына келтірілді.
