«Ауданның 13 елді мекені (25,7 мың адам) газдандыруға жатады. Бүгінде газ құбыры Бақанас, Ақдала, Бақбақты, Бірлік ауылдарына тартылып кентішілік желілер салынды. Бірақ екі жылдан бері газ берілмеді», — деді облыс әкімі.
Марат Сұлтанғазиевтің сөзінше, оның себебі «Бақанас» автоматтандырылған газ тарату станциясының өлшеу аспаптарының (манометрлердің) жоқтығы, реттеуші жабдықтың монтаждалмауы. Қазіргі уақытта облыстық экономикалық тергеу департаменті осы фактілер бойынша «Akniet grupp» ЖШС жұмысына тексеріс жүргізе бастады.
«Тұрғын үй-коммуналдық шаруашылық басқармасы аудан әкімімен бірлесіп, мәселені шешу тетігін анықтап, газ беруді тездетуі қажет», — деді облыс әкімі.
