Фестивальдің мақсаты – әлемдегі жас кинематографистер арасындағы ынтымақтастықты нығайту, оларға қолдау көрсету.
«Бастау» жас режиссерлер мен сценаристерге өз жобаларын жүзеге асыру үшін бірегей алаң ұсынады. Бұл шара он жыл бойы үзіліссіз жұмыс істеп келеді.
«Біз үшін басты идея, негізгі тұжырымдама мынандай болды: біз бәріміз — ұйымдастырушылар, басшылар — ең жоғары кәсіби мағынадағы қызмет көрсетуші персонал болуымыз керек. Біз осы оқиғаның басты кейіпкерлері – авторлар, режиссерлер,
операторлар, драматургтер, жас актерлер айналасында құрылған инфрақұрылымды жасаймыз. Осының бәрі солар үшін екенін көрсетуіміз керек», — дейді фестиваль президенті Сергей Әзімов.
Биыл фестиваль режиссер Яна Скопинаның «Скоро кончится лето» атты фильмінің қазақстандық премьерасымен ашылады. Бұл оның толықметражды дебюті. Яна — «Бастаудың» түлегі, оның «Ты что-то прячешь в кулаке» атты қысқаметражды алғашқы фильмі «Бастау» V ХКФ-да үздік деп танылған.
Фестивальдің ашылуы 29 қарашада Абай атындағы Қазақ ұлттық опера және балет театрында өтеді. Ал жабылуы — Chaplin Cinemas кинотеатрында болады.
