Әлеуметтік желіде жас жігіттің соққыға жығылып жатқаны бейнеленген видео тарады. Кадрлардан мектеп бітіруші екі қыз жас жігітті аяусыз тепкілеп, іс-әрекеттерін видеоға түсіріп тұрғаны көрінеді.
Алматы полиция департаменті бұзақылық дерегі бойынша қылмыстық іс қозғалғанын хабарлады.
«Кәмелетке толмаған күдіктілер полицияға жеткізілді. Қазіргі уақытта олардың ата-аналарының қатысуымен тергеу амалдары жүргізіліп жатыр. Басқа мән-жайлар анықталады», — деді Алматы полиция департаментінің баспасөз қызметі Tengrinews.kz тілшісіне.
