Жамбыл ауданында 24 ауылдық округ, 61 елді мекен бар. Халық саны 175 мың 136 адам.
«№262 сайлау учаскесіне сайлаушылардың 11% келіп дауыс берді. Жалпы учаскеде 984 сайлаушы бар. Тұрғындар сондай белсенді», — дейді сайлау учаскесі комиссиясының төрағасы Ақгүл Қадырова.
Сайлауға ауыл тұрғыны Әсет Қарабаев немерелерімен келді.
«Сайлау — бұл үлкен науқан. Жәй емес, тарихи науқан. Жастар осыны түсіну керек. Отанын сүю керек. Қастерлеу керек. Сол себепті немерелеріммен келіп, дауыс беріп жатырмыз. Мен өз таңдауымды жасау арқылы мына немерелерімнің болашағын жасаймын», — дейді Әсет Қарабаев.
Жамбыл ауданы бойынша 76 сайлау учаскесі бар. Барлық сайлау учаскелері талапқа сай. Ауданда 103 мың 545 сайлаушы бар.
