Турнирдің басты мақсаты — ерлікпен қаза тапқан өрт сөндірушінің еңбегін еске алып, ерлігін дәріптеу, сонымен қатар, қызметкерлер арасында спорт мәдениетін дамыту.
Аталған іс-шара барысында қайтыс болған қызметкердің ұлына сыйлық табыс етілді. Жарысқа жалпы есепте 15 команда қатысты. Турнир нәтижесі бойынша Өтеген батыр ауылындағы №8 ӨСБ құрама командасы III орын, Қонаев қаласындағы ЖҚЖ құрама командасы II орын, Шонжы ауылындағы №6 ӨСБ құрама командасы І орынға ие болды. «Үздік қақпашы» номинациясы бойынша №3 ӨСБ аға өрт сөндіруші-құтқарушысы Алпысбаев Руслан және «Үздік ойыншы» номинациясы бойынша №10 ӨСБ жүргізуші-қызметкері Жапарбекұлы Абылай марапатталды.
Жеңімпаздарға ақшалай сыйлықтар, медаль және кубоктар табыс етілді.
