Акция аясында Қонаев қаласының орталығында орналасқан Д.А. Қонаевтың ескерткішіне гүл шоқтары қойылып, ұлы тұлғаның есімі тағы бір рет ұлықталды.
«Облыстың барлық аудан, қалаларында Ұлы Отан соғысының батырларына, аналарымызға, ұлы тұлғаларымызға, еңбек ерлеріне, Ауған соғысының ардагерлеріне ескерткіштер қойылған. Біздің, баршамыздың мақсатымыз – қазақстандықтардың тарихын насихаттап, өскелең ұрпаққа жеткізу. Осы бағытта мәдениет басқармасына қарасты музейлер бірлестігі, Мәдениет үйлерінің қызметкерлері, кітапхана саласының мамандары бірқатар шаралар ұйымдастырып жатыр», — деді құттықтау сөзінде мәдениет басқармасының басшысы Әлия Жақыпбекова.
Басқарма басшысы жасөспірімдердің, балалардың вандализмі туралы да айта кетіп, жас ұрпақты елін, туған жерін құрметтеуге, оның мүлкіне зиян келтірмеуге шақырды.
Сонымен қатар шара барысында облыстың бас имамы Мадияр Пірімқұлов та сөз алып, өткенге құрмет ұрпаққа міндет екенін баса айтты.
«Өткенімізді ұмытсақ, келешектің кемел болмайтыны анық. Сондықтан жас ұрпаққа тәлім-тәрбие беруіміз міндет», — деді бас имам.
