19-25 маусым аралығында заңсыз келген шетелдіктерді анықтау, сондай-ақ заңсыз көші-қонның жолын кесу мақсатында Алматы облысының аумағында «Нелегал» жедел-алдын алу іс-шарасы өткізіліп жатыр.
«Екі күн ішінде көші-қон заңнамасын бұзған 247 адам анықталып, әкімшілік жауапкершілікке тартылды, оның 244-і шетелдіктер. Сот шешімі бойынша Қазақстаннан 8 шетелдік шығарылды. Шетелдіктердің ҚР-да болуының заңдылығын қамтамасыз ету жөнінде шаралар қолданбағаны үшін 39 жеке және заңды тұлға әкімшілік жауапкершілікке тартылды. Елімізде шетелдік жұмыс күшін тарту ережелерін бұзғаны үшін 12 жұмыс берушіге айыппұл салынды. Ал жеке басын куәландыратын құжаты жоқ 77 шетелдік қамауға алынды», — деп жазды баспасөз қызметі.
Сонымен қатар заңсыз көші-қонды ұйымдастырғаны үшін 2 қылмыстық іс, шетелдік жұмыс күшін тарту және пайдалану қағидаларын бірнеше рет бұзғаны үшін 1 қылмыстық іс қозғалды.
