Оның айтуынша, аудандағы 61 елді мекеннің 31 газбен қамтылған. Өңірдегі табиғи газ құрылысына 3 жыл ішінде 3, 6 млрд теңге бөлінген.
«2023 жылдың аяғында Тарғап, Самсы ауылдарын мемлекет тарапынан газбен қамтамасыз еттік. Сондай-ақ, жеке меншік «Тәуекел Газ Құбыры» арқылы да қосылған ауылдар бар. Тұрғындарды мемлекеттік пен жеке меншік газдандырудың айырмашылығы бағасында және сапасында. Мысалы, жеке компаниямен қосылу бағасы төрт жүз мың теңге болса, бюджеттен қосу құны 200 мың теңге. Жеке меншік компания «Тәуекел Газ Құбырымен» қосылған ауыл тұрғындары газ қысымының аздығын айтып жиі шағымданады. Біз компания басшыларымен кездесіп, олқылықтарды жөндеу туралы сөйлестік. Келісімшарттағы міндетемелерді орындауды талап еттік. Компания тұрғындардың шағымын шешу бойынша жұмыс істеп жатыр. Келесі жылыту маусымына дейін барлығы реттеледі», — дейді аудан әкімі
Әкім «Тәуекел Газ Құбыры» компаниясының жұмысы әкімдіктің қатаң бақылауында екенін, қойылған талап орындалмаса сотқа жүгінетіндіктерін , болашақта мұндай олқылықтарға жол берілмейтінін айтты.
«Қалған 49 пайыз елді мекенге де жақында газ тартылады. Мысалы, Дегерес, Беріктас, Ақтерек, Қазыбек бек, Ақсеңгір, Балғабек Қыдырбекұлы, Көкдала, Жайсан елді мекендеріне бюджет есебінен газ тартылып жатыр. Бұларда талап жоғары болатыны сөзсіз», — деді өңір басшысы.
