Қазақстан республикасының Мемлекеттік қызмет істер агенттігінің Алматы облысы бойынша департаментімен Тұздыбастау ауылдық округі әкімі Ш. Толымбековтың ісі қаралды.
А. Қарақұл 2024 жылдың 18 шілдесінде Тұздыбастау ауылдық округі әкімі Ш.Толымбековтың жеке қабылдауында екеуінің арасында жанжал туындаған. Жанжалдың басты себебі А.Қарақұл өзіне тиесілі жерді қайтару мақсатында барған. А.Қарақұлдың шағымы бойынша, Ш. Толымбеков тарапынан дене күші қолданылғаны және балағат сөздер айтылды деп көрсетілген. Дегенмен, Ш.Толымбеков өз түсініктемесінде әдепсіздік танытпағанын, дөрекілік көрсетпегенін жеткізген.
Айта кетейік, кеңес отырысында А.Қарақұл дәлел ретінде аудио жазба ұсынып тыңдалым болды. Аталған жазбаны зерделеу барысында балағат сөздер естілмеді, бірақ III.Толымбековтарапынан қарым-қатынаста әдепсіздік және дөрекілік байкалады.
Өз кезегінде, Әдеп жөніндегі кеңес төрағасы Арсен Абзалұлы мемлекеттік қызмет абырой атқарылатын жұмыс екенін атап өтті.
«Күнделікті біздің алдымызға адамдар себептермен келуі мүмкін сол үшін бәріне дайын болу керек. Қандайда бір мәселемен келген адамға міндетті түрде сыйластық таныта білген жөн. Әрі болған істі мойындай білген дұрыс. Әрине мұдай оқиғалар жиі орын алады. Дегенмен, сіз өзіңізді салмақты ұстап, алдыңызға келген адамға сабырлық тануыңыз қажет» , — деді Мемлекеттік қызмет істері агенттігі Алматы облыстық департаментінің басшысы Арсен Жақыпов.
Кеңес мүшелерінің шешімі бойынша Тұздыбастау әкіміне «Қазақстан Республикасы мемлекеттік қызметшілер әдеп кодексінің» 6-тармағының 4), 5) тармақшаларына сайкес, азаматтармен қарым-қатынаста әдептілік танытпай, дөрекілік, қадір-қасиетін кемсітіп, әдепсіздік және бейәдеп мінез-құлық фактілеріне жол бергені, өзінің әрекеттерімен және мінез-құлқымен олардың тарапынан сынға себепкер болғаны үшін «сөгіс» түріндегі тәртіптік жаза қолдану ұсынылды.
Сонымен қатар, Кеген ауданы әкімінің орынбасарларына, Кеген ауданының жер қатынастары бөлімінің басшысына, Кеген ауданы әкімі аппаратының мемлекеттік құқықтық бөлімінің басшысына және Кеген ауылдық округінің әкіміне қатысты тәртіптік іс қаралды. Сонымен қоса, Ұйғыр ауданы әкімінің мемлекеттік қызмет және сыбайлас жемқорлыққа қарсы іс-қимыл туралы заңнаманы бұзушылықтардың профилактикасы бойынша атқарылған жұмыстарының есебі тыңдалды.
Қаралған тәртіптік істерге байланысты, Кеген ауданы әкімдігінің лауазымды тұлғаларының іс әрекеттерінде жеке және (немесе) заңды тұлғаларға құқыққа сыйымсыз қолдау көрсету түріндегі мемлекеттік қызметке кір келтіретін тәртіптік теріс қылық белгілерінің болмауына байланысты оларға қатысты тәртіптік істер тоқтатылды.
