Облыс әкімінің орынбасары серіктестік өкілдерімен жеке-жеке сөйлесіп, ұсынып отырған жобаларымен танысты. Арслан Дандыбаевпен кездесуге келген кәсіпорындар:
- «AUKAT INVEST» ЖШС;
- Есік қаласындағы «Винзавод» АҚ;
- «Tengri LLC» ЖШС;
- «Якар» ЖШС;
- «SG BRICK» ЖШС.
Оның ішінде, «AUKAT INVEST» ЖШС — Еңбекшіқазақ ауданындағы 25 елдімекенге газ тарту жобасын ұсынды.
«Қазір бұл жобаның құны қанша болатыны толық есептелген жоқ. Аталған кәсіпорын газ тартуды өз қаражатына жасайды. Яғни, кәсіпорынның ұсынып отырғаны — инвестициялық жоба», — дейді облыстық энергетика және ТҮКШ басқармасының басшысы Дастан Шалтабаев.
«Винзавод» ЖШС-нің директоры Дмитрий Зененко болса алма өндіретін және оны өңдейтін кәсіпкерлер ассоциациясын құру тұралы ұсыныс білдірді. Оның айтуынша, кез келген өңдеуші кәсіпорын жұмысын жолға қоюда бірқатар кемшіліктер бар, соның бірі — нормативтік құқықтық заңдар.
«Заңды дұрыстап берсе және ассоциация құруға көмек етсе, Қазақстан шарабымен шетелдік нарықты жаулап алар едік», — деді ол.
«Tengri LLC» ЖШС — Қытайлық компанияның медицина өнімдерін Алматы облысына әкелу туралы жобасын таныстырды.
«Якар» ЖШС — кондитерлік өнім шығаратын зауыт. Серіктестік басшысы Дженгиз Якардың айтуына қарағанда түрлі тәттілер шығаруда кәсіпорынның толық қауқарын көрсету үшін ток қуаттылығы жетпейді. Дженгиз Якар әкім орынбасарынан осы мәселені шешуге көмек етуін сұрады.
«SG BRICK» ЖШС өкілдері болса Алматы облысында жылына 50 млн кірпіш шығаруға мүмкіндігі бар зауыт салуды ұсынды. Маманның мәліметінше, көп құрылыс жүргізіліп жатқан аумақта мұндай зауыттың керектігі рас.
Кәсіпкерлермен кездескен Арслан Дандыбаев алдағы уақытта да бұл жобалар мен ұсыныстар қайта пысықталып, түрлі салаға жауапты мамандарымен кеңейтілген отырыс өткізетінін айтты.
Посмотреть эту публикацию в Instagram
