«Биылғы жылыту маусымына дайындық кезінде ТЖД мамандары тұрғын үйлерді аралап шықты. Нәтижесінде өңірдегі 500-ге жуық тұрғын үйде өрт қауіпсіздігі ережесі сақталмағаны анықталды», — деді Александр Рау.
Оның айтуынша, орталықтандырылған жылу жүйесі іске қосылған, үйлерде пеш жағыла бастаған екі аптаның ішінде ыстан улану дерегі тіркелген жоқ.
«Қазіргі таңда облыста қатты отынмен жылытылатын үйлер саны азайып келеді. Десе де, табиғи газдан улану қаупі артып барады. Мәселен, биылдың өзінде 30 адам көгілдір отыннан уланды, оның сегізі – балалар», — деді ТЖД бастығының орынбасары.
Сонымен қатар ол тұрғын үй инспекциясына өз міндетін дұрыс орындамайтын сервистік компанияларға шара қолдану туралы хаттама жолданғанын атап өтті.
Естеріңізде болса, 18 қазан күні Алматы облысы тұрғындарын қатты отынмен қамтамасыз ету үшін 761 мың тонна көмір керек екенін жазғанбыз.