Шараға облыс әкімі Марат Сұлтанғазиев те қатысты. Күн тәртібінде бірнеше мәселе қаралды, оның бірі — депутаттар мәслихат төрағасы лауазымына Талғат Байеділовті сайлауы болды.
Жиында Марат Сұлтанғазиев Мемлекет басшысы Қасым-Жомарт Тоқаевтың жүктеген тапсырмаларына баса назар аударып, депутаттардың «Алматы облысының 2030 жылға дейін даму стратегиясын» жүзеге асырудағы рөлін атап өтті.
«Біз алдағы 5 жылда өңірдің басым бағыттарын жүзеге асыратын боламыз. ҚР Президенті айтқандай, еліміздің саяси жүйесі «Мықты Президент, беделді Парламент, есепті Үкімет» формуласына бағытталған. Қазіргі таңда депутаттардың алдында халықпен тығыз қарым-қатынас орнату тапсырмасы тұр. Халық сіздерге сенім артты, енді сіздер сол үмітті ақтауларыңыз қажет», — деді Марат Сұлтанғазиев.
Өз кезегінде жаңа тағайындалған мәслихат төрағасы алғысын білдіріп, облыс басшылығының алдындағы тұрған міндеттерді орындау үшін бар тәжірибесін салатынын айтты.
Айта кетейік, облыстық мәслихатқа 38 депутат сайланды.
