Абай облысының Бородулиха ауданында полиция қызметкері Ерасыл Сыдықовтың жылдам әрі батыл әрекеттері арқылы үйдегі өрт тоқтатылып, отбасы мүшелері құтқарылды, деп хабарлайды alataunews.kz.
7 қазанда түнде, кезекшіліктен қайтып келе жатқан инспектор Крупская көшесінде түтін байқап, оқиға орнына дереу жетті. Үйдің шатыры жанып жатқанын көрген ол өрт сөндіру қызметіне хабар беріп, үй ішіндегілерді құтқаруға кірісті. Ешкім жауап бермеген соң, Сыдықов терезені сындырып, үйге кіріп, отбасы мүшелерін қауіпсіз жерге шығарды. Өрт сөндірушілер де уақытылы келіп, өртті сөндірді.
Полицейдің батыл әрекеті адам шығынын болдырмауға септігін тигізді, ал үй иелері оған шексіз алғыс білдірді.
