Облыс басшысының мәліметінше, қазіргі таңда өңірде тұрғын үйге кезекте тұрғандардың саны 36 мыңнан асады, ал жерге кезекте тұрғандардың саны 1 миллионнан астам. Былтыр 1 445 адам баспаналы болды. Оның ішінде әлеуметтік осал топтан шыққан 260 отбасы бар.
«Биыл 811 мың шаршы метр, оның ішінде бюджет есебінен 104 мың шаршы метр тұрғын үй мен 70 коммерциялық үйді пайдалануға беру жоспарланып отыр. Жаңа пәтерлерге 1 264 отбасы ие болады. Атап айтқанда, «Шаңырақ» бағдарламасы бойынша — 1 032, «жалға берілетін тұрғын үй» бағдарламасы бойынша — 232 адам», — деді Марат Сұлтанғазиев.
Марат Сұлтанғазиевтің сөзінше, «Отбасы банкі» бағдарламаларын ескере отырып, тұрғын үй көлемін ұлғайту жөніндегі облыстық жоспар қабылданады. Бұдан бөлек, «Алатау жастары» бағдарламасы бойынша облыс жастары жеке тұрғын үймен қамтамасыз етіледі.
