Қала әкімі оған ерлігі, батылдығы мен белсенді азаматтық ұстанымы үшін алғыс айтып, алғыс хат пен бағалы сыйлық табыс етті. 23 жастағы Райымбек Медетбек Әл-Фараби атындағы Қазақ ұлттық университетінің түлегі, Алматы қаласы экология және қоршаған орта басқармасының «Медеу» мемлекеттік өңірлік табиғи паркі» КММ жұмыс істейді. Жұмыста жауапты және бастамашыл маман.
Еске сала кетейік, бұған дейін Алматыда ер адам автобуста әйелге пышақ салған болатын. Райымбек Медетбек пен басқа да жолаушылардың жедел қимылының арқасында күш көрсетушіні ұстап, әйел адам аман қалды.
