Әлеуметтік желіде Алматы – Шонжы тасжолында жантүршігерлік жол апаты болған жерде түсірілген видео тарады. Жазба авторының айтуынша, апат Audi және Renault көліктерінің бетпе-бет соқтығысуы салдарынан болған.
Оқиға 6 тамыз күні кешкі сағат 20:40 шамасында Еңбекшіқазақ ауданында болған.
Audi көлігінің 22 жастағы жүргізушісі Алматы – Көкпек – Көктал автожолымен шығыс бағытта келе жатып, рөлді басқара алмай, жолдың қарсы бетіне шығып кеткен.
«Оқиға орнында бес адам қаза тапты. Түрлі дене жарақатымен кәмелетке толмаған үш бала Шелек ауылындағы ауруханаға жатқызылды. Осы факті бойынша Еңбекшіқазақ аудандық полиция бөлімі Қазақстан Қылмыстық кодексінің 345-бабы 4-бөлігімен қылмыстық іс қозғап, барлық қажетті сараптаманы тағайындады», – делінген облыстық полиция баспасөз қызметінің хабарламасында.