Ішкі істер министрлігінің экстремизмге қарсы іс-қимыл жөніндегі бөлімі Ұлттық қауіпсіздік комитетінің қолдауымен Кентау қаласында тыйым салынған «Хизб ут-тахрир» діни-экстремистік ұйымының жасырын тобын анықтап, жойды, деп хабарлайды alataunews.kz Polisia.kz-ке сілтеме жасап.
Аталған ұйым елде зайырлы конституциялық құрылымды құлатып, «шариғат» нормаларын енгізуді көздейтін идеологияны ұстанған. Жедел-іздестіру шаралары барысында топ мүшелерінің терроризм идеясын насихаттау және діни көзқарастарды қорлауға бағытталған әрекеттері тіркелді. Топ мүшелері шетелдік радикалды уағызшылардың дәрістерін интернет арқылы алып, таратқан. Топтың жетекшісі осыған дейін экстремистік ұйымның қызметіне қатысқаны үшін сотталған.
Операция нәтижесінде 10 күдікті ұсталды. Олардың тұрғылықты жерлерін тінту кезінде діни-экстремистік әдебиеттер мен өзге де заттай айғақтар тәркіленді. Қазіргі уақытта терроризмді насихаттау және діни алауыздықты қоздыру белгілері бойынша сотқа дейінгі тергеу амалдары жүргізілуде.
